CET इ .११ वी ची प्रवेश प्रक्रिया
परीक्षेची नोंदणीस सुरुवात
इ. ११ वी प्रवेशासाठीच्या शासनाकडून घेण्यात येणाऱ्या CET परीक्षेबाबतची महत्वाची माहिती!
शैक्षणिक वर्ष सन २०२१-२२ साठी इयत्ता ११ वीची प्रवेश प्रक्रिया राबविताना सामाईक प्रवेश परीक्षा CET घेण्यात येणार आहे.
सामाईक प्रवेश परीक्षा CET
सन २०२१ - २२ च्या इयत्ता ११ वी प्रवेशासंदर्भात सामाईक प्रवेश परीक्षेचे आयोजन मंडळामार्फत
शनिवार दिनांक २१ ऑगस्ट, २०२१ रोजी सकाळी ११.०० ते दुपारी १.०० या कालावधीत करण्यात येणार आहे.
सदर परीक्षा ही राज्य मंडळाशी संलग्न असलेल्या कनिष्ठ महाविद्यालयातील सन २०२१ - २२ मधील इ. ११ वी प्रवेशासाठी असून ती विद्यार्थ्यासाठी पूर्णत: ऐच्छिक स्वरुपाची आहे.
सदर परीक्षा ही ऑफलाईन स्वरुपाची असून ती राज्य मंडळाच्या अभ्यासक्रमावर आधारीत असेल.
प्रश्नपत्रिका वस्तुनिष्ठ बहुपर्यायी स्वरुपाची (Multiple Choice Objective type Questions) व O.M.R. आधारीत असेल.
वेबसाईट सुरू
सदर परीक्षेसाठी राज्य मंडळ अथवा अन्य मंडळाच्या माध्यमिक शालान्त प्रमाणपत्र (इ. १० वी) परीक्षेमध्ये उत्तीर्ण / प्रविष्ट झालेल्या इच्छूक विद्यार्थ्यांनी ऑनलाईन पध्दतीने मंडळाच्या खालील लिंक वर क्लिक करा
मार्गदर्शन व्हिडीओ Zoom करा
State Board Maharashtra
Other Board
या संकेतस्थळावरुन आवेदनपत्र सादर करणे आवश्यक आहे.
आवेदनपत्र भरण्याची सुविधा मंडळामार्फत
दिनांक २०/०७/२०२१ रोजी सकाळी ११.३० पासून दिनांक २६/०७/२०२१ अखेर उपलब्ध करुन देण्यात येत आहे.
सदर आवेदनपत्र भरण्यासंदर्भात तसेच सामाईक प्रवेश परीक्षेसंदर्भात विद्यार्थ्यांसाठी तपशीलवार सूचना सदर प्रकटनासोबत तसेच मंडळाच्या संकेतस्थळावर उपलब्ध करुन देण्यात येत आहेत. तरी, याची विद्यार्थी, पालक व सर्व संबंधित घटकांनी नोंद घ्यावी.
दिनांक 20 जुलै २०२१ पासून CET परीक्षेची आवेदनपत्रे भरण्याकरिता सुरवात होईल
इयत्ता ११ वीची प्रवेश प्रक्रिया राबविताना सामाईक प्रवेश परीक्षा (CET Exam) दिलेल्या विद्यार्थ्यांना सामाईक प्रवेश परीक्षेतील गुणांच्या आधारे गुणवत्तेनुसार सर्व कनिष्ठ महाविद्यालयांमध्ये प्राधान्य देण्यात येईल. म्हणजेच इ. ११ वीच्या प्रवेश प्रक्रियेच्या करिता पहिल्या टप्यामध्ये सामाईक प्रवेश परीक्षा (CET Exam) दिलेल्या विद्यार्थ्यांना गुणवत्तेनुसार प्रथम प्राधान्याने प्रवेश देण्यात येईल.
सामाईक प्रवेश परीक्षा (CET Exam) दिलेल्या विद्यार्थ्याच्या प्रवेशानंतर, कनिष्ठ महाविद्यालयांमध्ये रिक्त राहिलेल्या उर्वरित जागा ज्या विद्यार्थ्यांनी सामाईक प्रवेश परीक्षा (CET Exam) दिलेली नाही अशा विद्यार्थ्यांसाठी खुल्या असतील व त्या जागांवर सामाईक प्रवेश परीक्षा (CET Exam) न दिलेल्या विद्यार्थ्यांना इयत्ता १० वीच्या मुल्यमापन पध्दतीनुसार मिळालेल्या गुणांच्या आधारे गुणवत्तेनुसार प्रवेश देण्यात येतील.
वेबसाईट वर विद्यार्थ्यांना Online पद्धतीने भरता येतील.
ही परीक्षा Offline पद्धतीने होणार आहे.
विद्यार्थ्यांचे परीक्षा केंद्र कुठे असेल हे नंतर सांगण्यात येतील.
आपली नोंदणी करताना पोर्टल वर क्लिक केल्यावर विद्यार्थ्यांना आपला बोर्डाचा बैठक क्रमांक भरावा लागेल.
नंतर परीक्षा द्यायची की नाही असे दोन पर्याय दिले जातील.
त्यातील योग्य पर्याय निवडून फॉर्म भरावयाचा आहे.
इ. ११ वी प्रवेशासाठी असलेल्या CET परीक्षेचे स्वरुप
- CET परीक्षेसाठी १०० गुणांची एकच प्रश्नपत्रिका / पेपर असेल.
- परीक्षेचा कालावधी दोन तास राहील.
- इंग्रजी, गणित, विज्ञान व समाजिक शास्त्र या विषयावर प्रत्येकी 25 प्रश्न विचारले जातील.
- परीक्षा ऑफलाईन घेण्यात येईल.
- प्रश्न पत्रिकेचे स्वरुप हे वस्तुनिष्ठ बहुपर्यायी स्वरुपाचे (Multiple Choice Objective Type Questions) असेल.
- परीक्षा O.M.R. आधारीत असेल.
आपली प्रतिक्रिया व सूचना