School Development Plan Guidance And PDF Download

शाळा विकास आराखडा

मार्गदर्शन व नमुना पीडीएफ

डाऊनलोड करा

शाळा विकास आराखडा २०२४ - २०२५

मार्गदर्शक सूचना

शाळा विकास आराखडा २०२४ - २०२५ करिता तयार करायचे आहे त्याकरिता खालील सूचना

• बालकांचा मोफत व सक्तीच्या शिक्षणाचा हक्क अधिनियम, 2009 अंतर्गत कलम 22 (1) नुसार शाळा व्यवस्थापन समितीने शाळा विकास आराखडा तयार करावयाचा आहे. संबंधित केंद्रप्रमुख / समन्वयक यांनी आराखड्याचे मूल्यमापन करावे. हा आराखडा स्थानिक प्राधिकरणाला करावयाचा आहे.

• शाळा विकास आराखडा पुढील चार क्षेत्रांवर आधारित राहील शाळा सुविधा, समता, गुणवत्ता आणि लोकसहभाग.

शाळा विकास आराखडा हा समूह आराखडा, गट/मनपा आराखडा, जिल्हा / राज्य वार्षिक कार्ययोजना व अंदाजपत्रक निर्मितीचा पाया आहे. म्हणून शाळा विकास आराखड्यातील आकडेवारी अचूक असावी.

• प्रास्ताविकाच्या शेवटी शाळा व्यवस्थापन समिती अध्यक्ष व सदस्य सचिव यांची स्वाक्षरी असावी.

• गाव/वार्डातील शैक्षणिक बाबींचा नकाशामध्ये बालवाडी / अंगणवाडीपासून माध्यमिक स्तरापर्यंतच्या सर्व शैक्षणिक सुविधांचा समावेश नकाशात असावा. सदर आराखडा सादर करणाऱ्या मूळ शाळेपासून चालत जाण्याचे अंतर, माध्यम आणि व्यवस्थापन प्रकार नमूद करावे..

• बाणाने रेषेशेजारी त्या वस्तीचे शाळेपासूनचे चालत जाण्यायोग्य रस्त्याचे अंतर कि.मी. लिहावे. क्र. 1 वर शाळा ज्या वस्तीमध्ये आहे त्यावस्तीचे नाव आहे.

• स्थानिक प्राधिकरण म्हणजे ग्रामपंचायत, नगरपरिषद, महानगरपालिका किंवा कटक मंडळ होय.

शाळा वस्तीबाबत माहिती देताना जणगणना 2011 चा संदर्भ घ्यावा.

शाळा विकास आराखडा खालील लिंक वर क्लिक करून PDF डाऊनलोड करा