सेतू अभ्यासक्रम अंमलबजावणी पूर्वीची विद्यार्थ्यांची अध्ययन स्थिती तपासणे बाबत
ब्रिज कोर्स
उपरोक्त विषयानुसार आपणास कळविण्यात येते की, परिषदे मार्फत राज्यातील विद्यार्थ्यांचे अध्ययन क्षय
भरून काढण्यासाठी सेतू अभ्यासक्रम तयार करण्यात आला आहे. या अभ्यासक्रमाची परिणामकारकता तपासण्यासाठी
संशोधन विभागामार्फत संशोधन हाती घेण्यात आले आहे.
या करिता राज्यातील मराठी माध्यमाच्या विद्यार्थ्याच्या संदर्भात इयत्ता २ री ते ८ वी या इयत्तेतील विद्यार्थ्याची सेतू अभ्यासक्रम अंमलबजावणी पूर्वीची विद्याथ्र्यांची अध्ययन स्थिती तपासण्यासाठी सर्व्हे मंकीच्या माध्यमातून लिंक तयार करण्यात आली आहे. https://www.research.net/r/bridgecourseprestudy
या लिंकचा वापर करून आपापल्या कार्यक्षेत्रातील विद्यार्थ्यांची माहिती संकलित करण्यात यावी, यासाठी आपल्या अधिनस्थ वरिष्ठ अधिव्याख्याता, अधिव्याख्याता, विषय सहायक, विषय साधन व्यक्ती व केंद्रप्रमुख यांचे सहकार्याने हे माहिती संकलन करायचे आहे. यासाठी आवश्यक मार्गदर्शक सूचना सोबत जोडण्यात आलेल्या आहेत. सदर संशोधन है कालमर्यादित असल्याने सदर पत्र प्राप्त झालेपासून पुढील चार दिवसात सदर माहिती संकलन होणे आवश्यक आहे.
करिता आपण आपल्या स्तरावरून उपरोक्त संबंधित अधिकारी कर्मचारी यांना यासंदर्भात आदेशित करावे
तसेच आपल्या स्तरावर दररोज याचा आढावा घ्यावा. पत्र प्राप्त झालेपासून पाचव्या दिवशी आपल्या अधिनस्थ
अधिकारी कर्मचारी यांनी किती विद्याथ्र्यांची माहिती संकलित केली याबद्दलचा गोषवारा संशोधन विभागाच्या
researchdept@maa.ac.in
या Email वर पाठविण्यात यावा.
अभ्यासक्रम अंमलबजावणीपूर्वी विद्यार्थी अध्ययन स्थिती माहिती संकलन संदर्भातील मार्गदर्शक सूचना
माहिती संकलन साधनाविषयी थोडेसे
सेतू अभ्यासक्रम अंमलबजावणीच्या सुरुवातीची विद्यार्थ्यांची अध्ययन स्थिती तपासण्यासाठी इयत्ता 2 री ते 8 वी या इयत्तांचा विचार करण्यात आला आहे.
SCERT, महाराष्ट्र यांचे मार्फत सेतू अभ्यासक्रमामध्ये समाविष्ट अध्ययन निष्पतीवर आधारित प्रश्न निर्धारित करण्यात आले आहेत.
इयत्तानिहाय एक प्रश्नपत्रिका तयार करण्यात आली असून त्यामध्ये संबंधित इयत्तेतील सर्व विषयावरील प्रश्नांचा समावेश करण्यात आला आहे. (केवळ हिंदी विषय वगळण्यात आलेला आहे.) प्रत्येक विषयासाठी 10 प्रश्न विचारण्यात आले आहेत.
सदर प्रश्नपत्रिका सद्यस्थितीत सर्व्हे मंकी लिंकच्या माध्यमातून online स्वरूपात
https://www.research.net/r/bridgecourseprestudy
या लिंकवर उपलब्ध करुन देण्यात
आली आहे.
माहिती संकलन प्रक्रिया
1. प्रत्येक जिल्ह्यातील वरिष्ठ अधिव्याख्याता, अधिव्याख्याता व विषय सहायक तसेच तालुका स्तरावरील विषय साधन व्यक्ती व केंद्र स्तरावरील केंद्रप्रमुख यांच्या मदतीने प्रस्तुत संशोधनासाठी माहिती संकलन करण्यात यावे.
आपण सर्व अधिकारी व कर्मचारी है शिक्षक व विद्यार्थ्यांना शैक्षणिक साहाय्य करणारे असल्याने आपण सर्व विद्यार्थ्यांकडून सदर प्रश्नावली सहजतेने, तटस्थपणे भरून घेऊ शकाल असा विश्वास आहे.
2. प्रस्तुत संशोधनासाठी माहिती संकलन करताना प्रत्येक अधिकारी व कर्मचारी यांनी एकूण 40 विद्यार्थ्यांची माहिती संकलित करायची आहे.
यामध्ये इयत्ता 2 री व 3री मध्ये प्रत्येकी 5 विद्यार्थी, तर इयत्ता 4 थी ते 8 वी पर्यंतच्या प्रत्येक इयत्तेतील 6 विद्यार्थी यांची माहिती संकलित करायची आहे.
3. आपणासर्वांना कल्पना आहे की, राज्यातील सर्व विद्यार्थ्याकडे मोबाईल सुविधा उपलब्ध नाही. म्हणजेच त्यांच्या कुटुंबातील व्यक्तींकडे स्मार्ट फोन नाही. त्यामळे अशा मुलांच्या अध्ययनाची स्थिती देखील या संशोधनातून कळणे आवश्यक आहे. याकरिता प्रत्येक अधिकारी व कर्मचारी यांनी प्रत्येक इयत्तेच्या विद्यार्थ्याची माहिती संकलित करताना
(ज्या भौगोलिक क्षेत्रात (जसे आदिवासी क्षेत्र) ऑनलाईन विद्यार्थ्यांच्या तुलनेत ऑफलाईन विद्यार्थ्यांचे प्रमाण अधिक आहे. अशा ठिकाणी दोन्ही प्रकारच्या विद्यार्थ्यांचे प्रमाण 50%- 50% घेण्यात यावे. किंवा प्रत्येक इयत्तेचे 2 विद्यार्थी ऑनलाईन शिक्षण घेणारे व उर्वरित ऑफलाईन शिक्षण घेणाऱ्या विद्यार्थ्यांचा समावेश करण्यात यावा. )
4. प्रत्येक अधिकारी व कर्मचारी यांनी आपापल्या कार्यक्षेत्रातील सर्व व्यवस्थापनाच्या मराठी माध्यमाच्या शाळेतील विद्यार्थ्याचा समावेश माहिती संकलित करताना करावा. जेणेकरून विविध व्यवस्थापनाच्या शाळेतील विद्यार्थ्यांचे प्रतिनिधित्व संशोधन नमुन्यामध्ये होऊ शकेल.
5. माहिती संकलित करताना प्रत्येक इयतेतील मुले व मुली यांचे समप्रमाण ठेवावे.
6. प्रत्येक अधिकारी व कर्मचारी यांना एकूण 40 विद्यार्थ्यांची माहिती संकलित करावयाची असल्याने दररोज 10 विद्यार्थी याप्रमाणे 4 दिवसात सदर माहिती संकलित करणे शक्य आहे.
सेतू अभ्यासक्रम अंमलबजावणीपूर्वी विद्यार्थी अध्ययन स्थिती तपासणी करत असल्याने सदर माहिती लवकरात लवकर संकलित करणे आवश्यक आहे.
आपण आपल्या कार्यक्षेत्रातील सदर माहिती आपल्या गती नुसार दोन ते तीन दिवसात देखील संकलित करू शकाल. मात्र चार दिवसांपेक्षा अधिकचा कालावधी माहिती संकलित करण्यासाठी घेण्यात येऊ नये.
सदर लिंक दिनांक 7 जुलैपर्यत चालू असणार आहे. यानंतर सदर लिंक बंद करण्यात येणार आहे. त्यामुळे दिलेल्या वेळेतच सदर माहिती संकलन प्रक्रिया पूर्ण करण्यात यावी.
7. प्रत्येक अधिकारी व कर्मचारी यांनी आपण ज्या विद्यार्थ्यांची माहिती संकलित केली आहे. त्यांची यादी प्राचार्य, जिल्हा शिक्षण व प्रशिक्षण संस्था यांचेकडे पुढील विहित नमुन्यात जमा करावी व स्वतःकडे देखील जतन करून ठेवावी.
माहिती संकलित करणा-या अधिकारी / कर्मचा-याचे नाव
पद
अ. नं
तालुका
इयत्ता
विद्यार्थ्याचे नाव
आपली प्रतिक्रिया व सूचना