शैक्षणिक वर्ष सन २०२१-२२ सुरू
करणेबाबत
राज्यातील प्राथमिक, माध्यमिक व उच्च माध्यमिक शाळांचे शैक्षणिक वर्ष
सन २०२१-२२ सुरू करणेबाबत
संदर्भ : १. या कार्यालयाचे पत्र क्र. अमाशा/शासू/एस-१/१५५८, दिनांक ३०.०४.२०२१ २. मा. मंत्री महोदय, शालेय शिक्षण विभाग, मंत्रालय, मुंबई यांचे व्हि. सी. मधील संदेश दिनाक १४.०६.२०२१
उपरोक्त विषयी व संदर्भान्वये नुसार राज्यातील प्राथमिक, माध्यमिक व उच्च माध्यमिक शाळांना संदर्भ क्र. ०१ नुसार दिनांक १४ जून २०२१ पर्यंत व विदर्भासाठी दिनांक २७ जून पर्यंत उन्हाळी सुट्टी जाहीर करण्यात आली होती.
त्यानुसार दिनांक १५ जून, २०२१ पासून राज्यातील (विदर्भ वगळता) शाळांचे शैक्षणिक वर्ष २०२१ - २२ पासून सुरु करण्यात येत आहे.
विदर्भातील शाळांचे शैक्षणिक वर्ष
दिनांक २८.०६.२०२१ पासून सुरू होईल.
शाळेमध्ये / कनिष्ठ महाविद्यालयामध्ये पुढील प्रमाणे शिक्षकांची उपस्थिती आवश्यक राहील.
१. इयत्ता १ ली ते इयत्ता ९ वी व इयत्ता ११ वीचे ५० टक्के शिक्षक उपस्थिती अनिवार्य राहील.
२. इयत्ता १० वी व इयत्ता १२ वी चे १०० टक्के शिक्षक उपस्थिती अनिवार्य राहील.
३. शिक्षकेतर कर्मचारी यांची १०० टक्के उपस्थिती अनिवार्य राहील.
४. प्राथमिक शाळा, माध्यमिक शाळा, मुख्याध्यापक व कनिष्ठ महाविद्यालयाचे प्राचार्य यांनी १००
टक्के उपस्थित राहणे अनिवार्य आहे.
इयत्ता १० वी व इयत्ता १२ वीचा निकाल तयार करण्यासाठी मुल्यांकनाचे काम सुरू असून मर्यादित वेळेत सदर निकाल घोषीत करावयाचा असल्याने राज्यातील विदर्भासह इयत्ता १० वी व इयत्ता १२ वीला शिकविणाऱ्या शिक्षकांची १०० टक्के उपस्थिती अनिवार्य राहील याबाबत सर्व संबंधित व्यवस्थापनांना सूचना निर्गमित कराव्यात.
बृहन्मुंबई शहरातील शिक्षकांच्या शाळा / कनिष्ठ महाविद्यालयातील उपस्थिती करीता त्यांना लोकल
प्रवासाच्या सोयीबाबत शासन स्तरावरून यथोचित सूचना निर्गमित करण्यात येत आहेत.
कोविड १९ परिस्थितीमुळे पुढील सुचनेपर्यंत शाळा बंद असल्यातरी महाराष्ट्र राज्य शैक्षणिक संशोधन व प्रशिक्षण परिषद पुणे (SCERT) यांनी दिलेल्या मार्गदर्शक सूचनांप्रमाणे
ऑनलाईन व इतर माध्यमातून विद्यार्थ्यांचे शिक्षण सुरळीतपणे सुरू राहील यांची दक्षता सर्व संबंधितांनी घ्यावी.
याबाबत सर्व क्षेत्रीय यंत्रणांना वरीलप्रमाणे निर्देश देण्यात यावेत व केलेल्या कार्यवाहीचा अहवाल संचालनालयास सादर करण्यात यावा
(द. गो. जगताप)
शिक्षण संचालक
आपली प्रतिक्रिया व सूचना