समग्र शिक्षा अंतर्गत नियतकालिक मूल्यांकन चाचणी (PAT) अंतर्गत पायाभूत चाचणी २०२५-२६ आयोजनाबाबत....
उपरोक्त संदर्भीय विषयान्वये सन २०२५ २६ या शैक्षणिक वर्षात इयत्ता दुसरी ते आठवीच्या विद्यार्थ्यांसाठी पायाभूत चाचणी, संकलित मूल्यमापन चाचणी १ व संकलित मूल्यमापन चाचणी २ अशा तीन नियतकालिक चाचण्यांचे नियोजन करण्यात येणार आहे. नियतकालिक मूल्यांकन चाचणी (PAT) अंतर्गत पायाभूत चाचणीचे आयोजन दिनांक ६ ते ८ ऑगस्ट २०२५ या कालावधीत करण्यात येत आहे.
सदर चाचणी अंतर्गत प्रथम भाषा, गणित व तृतीय भाषा (इंग्रजी) या विषयांच्या इयत्ता दुसरी ते आठवीतील शासकीय व स्थानिक स्वराज्य संस्थांच्या सर्व शाळा तसेच खाजगी अनुदानित शाळातील विद्यार्थ्यांची चाचणी होणार आहे.
प्रत्येक विद्यार्थ्याने इयत्तानिहाय अपेक्षित अध्ययन संपादणूक प्राप्त केली आहे किंवा नाही याची पडताळणी होऊन अध्ययन अध्यापन प्रक्रिया सुलभ होण्यास या चाचणीमुळे शिक्षकांना मदत होईल.
सदर चाचण्या इयत्ता १० वी व १२ वी बोर्ड परीक्षेप्रमाणे नाहीत, यामुळे विद्यार्थ्यांना याचा अतिरिक्त ताण देऊ नये. चाचण्यांचा मुख्य उद्देश विद्यार्थ्यांनी अध्ययन निष्पत्ती किती प्रमाणात प्राप्त केलेल्या आहेत हे शिक्षकांनी लक्षात घेऊन गरजेनुरूप अध्ययन अध्यापन प्रक्रियेत मूलभूत सुधारणा करणे व कृती कार्यक्रमाची अंमलबजावणी करणे हा आहे.
पायाभूत चाचणी उद्देश/उपयोग/फायदे :-
१) अध्ययनाचे मूल्यमापन या तत्वाकडून अध्ययनासाठी मूल्यमापन या तत्वाकडे वळणे.
२) विद्यार्थ्यांची अध्ययन निष्पती संपादणूक पडताळणे व त्यामध्ये वाढ करणे.
३) अध्ययन अध्यापन प्रक्रिया सुलभ होण्यास मदत करणे.
४) राष्ट्रीय संपादणूक सर्वेक्षण (NAS) मधील संपादणूक वाढविण्याच्या दृष्टीकोनातून मदत होईल.
५) अध्ययनात मागे असणा-या विद्यार्थ्यांना पुढे नेण्याच्या दृष्टीकोनातून कृतिकार्यक्रम तयार करणे व अंमलबजावणीस दिशा देणे.
६) इयत्ता व विषयनिहाय अध्ययन निष्पत्तीमधील राज्याची संपादणूक स्थिती समजण्यास मदत होणे.
* तीन नियतकालिक मूल्यांकन चाचण्या (PAT) संभाव्य कालावधी अ. क्र. तीन नियतकालिक मूल्यांकन चाचणी प्रकार
कालावधी
➤ पायाभूत चाचणी
दि. ६ ते ८ ऑगस्ट २०२५
➤ संकलित मूल्यमापन चाचणी सत्र-१
माहे ऑक्टोबर २०२५ शेवटचा आठवडा किंवा माहे नोव्हेंबर पहिला आठवडा २०२५
➤ संकलित मूल्यमापन चाचणी सत्र २
माहे एप्रिल २०२६
PAT चाचणीचे वेळापत्रक २०२५ Payabhut chachani Timetable 2025
| अनुक्रमांक | चाचणीचा प्रकार | कालावधी |
|---|---|---|
| १ | पायाभूत चाचणी | ६ ते ८ ऑगस्ट २०२५ |
| २ | संकलित मूल्यांकन चाचणी – सत्र १ | ऑक्टोबर २०२५ शेवटचा आठवडा किंवा नोव्हेंबर पहिला आठवडा |
| ३ | संकलित मूल्यांकन चाचणी – सत्र २ | मार्च २०२६ |
पायाभूत चाचण्यांचे माध्यम व विषय :
सदर चाचणी ही एकूण दहा माध्यमात होईल. प्रथम भाषा, गणित व तृतीय भाषा (इंग्रजी) या तीन विषयांची इयत्ता २ री ते ८ वी च्या विद्यार्थ्यांसाठी चाचण्यांचे आयोजन करण्यात येणार आहे.
चाचणीचा अभ्यासक्रम :
मागील इयत्तेच्या अभ्यासक्रम / अध्ययन निष्पत्ती / मूलभूत क्षमता यावर आधारित असेल.
What's Up Group Join
➤ What's Up Group Join
आपली प्रतिक्रिया व सूचना